پاکستان نے 2014 تک گیس نہ خریدی تو یومیہ 10 لاکھ ڈالر جرمانہ ہوگا ایران

ایران نے پاک ایران گیس پائپ لائن منصوبے کے تحت پاکستان کی جانب سے گیس پائپ لائن کی تعمیرمیںتاخیرپرتشویش کااظہارکرتے ہوئے باورکرایاہے کہ معاہدے کے تحت31 دسمبر 2014 تک پاکستان نے گیس نہ خریدی توپاکستان کو یومیہ 10لاکھ ڈالرجرمانہ دینا ہوگا۔


منگل کوپاک ایران مشترکہ کمیٹی برائے تیل وگیس اورتوانائی کاپہلااجلاس ہواجس میںایڈیشنل سیکریٹری پٹرولیم عابدسعیدنے پاکستان اورایران کے نائب وزیربرائے انٹرنل امورڈاکٹر خالد نے ایران کی نمائندگی کی،اجلاس کوبتایاگیاکہ ایران نے پاکستانی سرحد تک دوپائپ لائن بچھانے کاکام مکمل کرلیاجبکہ پاکستان تاخیرکررہاہے۔پاکستان نے ایران کومقررہ وقت پرگیس خریدنے کی یقین دہانی کراتے ہوئے کہاکہ منصوبے کی انجینئرنگ،پروکیورمنٹ اورکنسٹرکشن کیلیے بولیاںطلب کی جاچکی ہیں،

پائپ لائن کی تعمیرکاکام جلدکسی کمپنی کوسونپ دیاجائیگا،اجلاس میںایران نے ایک مرتبہ پھرمنصوبے کیلیے مالی وتکنیکی معاونت کی پیشکش کی،ذرائع کے مطابق پاکستانی حکام نے ٹاپی منصوبے کیلیے کم ٹیرف کا معاملہ اٹھایاجس پرایران نے رضامندی ظاہرکی،وفاقی سیکریٹری پٹرولیم ڈاکٹر وقارمسعود نے ''ایکسپریس'' کوبتایاکہ پاک ایران گیس منصوبہ کے لیے اٹلی،روس اورچین نے فنڈزفراہم کرنے میں دلچسپی ظاہرکی ہے اس سلسلہ میںبات چیت جاری ہے ایران بھی پاکستان کو پائپ لائن کی تعمیرکیلئے 500 ملین ڈالرفراہم کریگا ۔