فواد خان پاپ سنگرعالمگیر کی زندگی پر بننے والی فلم میں مرکزی کردارادا کریں گے

پاکستان کے موسٹ اسٹائلش اورمعروف اداکار فواد خان معروف پاپ سنگر عالمگیر کی زندگی پر بننے والی فلم ''البیلا راہی'' میں مرکزی کردار ادا کریں گے۔

پاکستان میں پاپ میوزک کو شہرت کی بلندیوں پر پہنچانے والے معروف گلوکار عالمگیر کی زندگی پر فلم ''البیلا راہی''بنائی جائے گی جس میں اداکار فواد خان مرکزی کردار ادا کریں گے جب کہ فلم کے ہدایت کار سلطان غنی ہوں گے۔

دوسری جانب اداکار فواد خان نے سماجی رابطے کی ویب سائٹ ٹوئٹر پر اپنے پیغام میں پاپ سنگر عالمگیر کی زندگی پر بننے والی فلم میں کام کرنے کے لیے بے تابی کا اظہار کرتے ہوئے ان کا مشہور گیت ''البیلا راہی'' بھی شائقین کے لیے گایا۔