ہالی ووڈ اداکار بین اسٹیلر نے سب سے لمبی سیلفی اسٹک استعمال کرنے کا ریکارڈ قائم کردیا

ہالی وڈ اداکار بین اسٹیلر نے اپنی نئی فلم زولینڈرز 2 کے پریمیئر کے موقع پر سب سے لمبی سیلفی اسٹک کا ریکارڈ قائم کیا ہے۔


برطانوی نشریاتی ادارے کے مطابق دو روز قبل لندن میں ہالی ووڈ فلم ''زولینڈرز 2 '' کا رنگا رنگ پریمئیر ہوا۔ جس میں فلم کی کاسٹ میں شامل تمام ستاروں نے شرکت کی۔ پریمئیر کے موقع پر فلم کا مرکزی کردار ادا کرنے والے اداکار بین اسٹیلر نے سیلفی اسٹک سے سیلفی لی۔ اس سیلفی کے لئے انہوں نے 28 فٹ اور ایک انچ لمبی سیلفی اسٹک استعمال کی جو کہ ایک عالمی ریکارڈ ہے۔

گینیز بک آف ورلڈ ریکارڈ نے بین اسٹیلر کا نام دنیا کی سب سے لمبی سیلفی اسٹک استعمال کرنے والے شخص کے طور پر درج کرلیا ہے۔ اس موقع پر بین اسٹیلر نے ازراہ مذاق کہا کہ وہ بچپن ہی سے سب سے لمبی سیلفی اسٹک کا ریکارڈ قائم کرنا چاہتے تھے۔