سلمان خان ’’کنوارے پن‘‘ کے خوف کا شکار ہوگئے

بالی ووڈ کے دبنگ سپر اسٹار سلمان خان نے اعتراف کرتے ہوئے کہا کہ مجھے اب تک کنوارے رہنے کا ڈر ہے اور اسی خوف میں مبتلا رہنا اچھا لگتا ہے۔

بالی ووڈ اداکار سلمان خان جاندار اداکاری کے ساتھ ساتھ اپنے معاشقوں کے حوالے سے بھی شہرت رکھتے ہیں یہی وجہ ہے کہ فلم نگری کی صف اول اداکاراؤں کے ساتھ ان کا معاشقہ رہا ہے جس کے باوجود اب تک سلومیاں نے دُلہے کا سہرا سر پر نہیں سجایا ہے تاہم اب انہوں نے اپنے کنوارے پن کے حوالے سے حیران کن اعتراف کیا ہے۔


سلمان خان کا اپنے ویڈیو پیغام میں کہنا تھا کہ مجھے اب تک کنوارے رہنے کا ڈر ہے اور اسی خوف میں مبتلا رہنا اچھا لگتا ہے جس کے بعد اس خوف کو مزید کچھ وقت کے لیے اپنے ساتھ رکھنا چاہتا ہوں۔

واضح رہے کہ گزشتہ دنوں اداکار سلمان خان کی رواں سال شادی کرنے کی خبریں میڈیا کی زینت بنی تھیں۔