امریکا پاکستانی معشیت کی بحالی اور سرمایہ کاری کیلئے اقدامات کررہا ہے مائیکل ڈوڈمین

امریکی قونصل جنرل مائیکل ڈوڈمین نے کہا ہے کہ امریکا پاکستانی معشیت کی بحالی اور سرمایہ کاری کیلئے اقدامات کررہا ہے۔


کراچی اسٹاک ایکسچینج میں تقریب سے خطاب کرتے ہوئے امریکی قونصل جنرل مائیکل ڈوڈمین کا کہنا تھا کہ امریکی سرمایہ کار پاکستان میں انرجی، کنزیومر اور مینوفیکچرنگ کے شعبوں میں سرمایہ کاری کرناچاہتےہیں اور اس حوالے سے دونوں ملکوں کے درمیان جلد معاہدہ ہونے والا ہے۔

مائیکل ڈوڈمین نے مزید کہا کہ امریکا میں صدارتی الیکشن کے نتائج سے پاک امریکا تعلقات پرکوئی فرق نہیں پڑےگا، تقریب سےاسٹاک ایکسچینج کے چیئرمین منیرکمال، ایم ڈی ندیم نقوی اور دیگر نے بھی خطاب کیا۔