تاجروں كے تمام مسائل تر جیحی بنیادوں پرحل كیے جائیں گے شیخ انصر

وفاقی دارالحکومت كے نو منتخب میئر شیخ انصرعزیز نے كہا ہے كہ تاجروں كے تمام مسائل تر جیحی بنیادوں پر حل كیے جائیں گے جب کہ ہم سب كو مل كر ملكی تعمیر و ترقی میں اپنا كردار ادا كرنا چاہیے۔


آل پاكستان تا جر اتحاد كے مركزی صدر محمد كاشف چوہدری نے تاجر رہنماؤں كے ایك وفد كے ہمراہ اسلام آباد میٹرو پو لیٹن كار پوریشن كے نو منتخب میئر شیخ انصرعزیز سے ملاقات كی اور انہیں وفاقی دارالحکومت كا پہلا میئر منتخب ہو نے پر مبار كباد دی۔

محمدكا شف چو ہدری نے نو منتخب میئر شیخ انصر كو تاجر برادری كی جانب سے ہر ممكن تعاون كا یقین دلاتے ہو ئے اس اُمید كا اظہار كیا كہ اسلام آباد میں میٹرو پولیٹن كار پوریشن كے قیام كے بعد تاجر برادری سمیت دارالحكومت كے شہریوں كے دیرینہ مسائل حل ہوں گے ۔شیخ انصر عزیز نے كاشف چو ہدری اور اُن كے ہمراہ آنے والے وفد كا شكر یہ ادا كر تے ہو ئے انہیں یقین دلایا كے اسلام آباد كے تاجروں كے تمام مسائل تر جیحی بنیادوں پر حل كیے جائیں گے۔