شرمین عبید چنائے محفوظ انتقال خون کو فروغ دینے کی اعزازی سفیرمقرر

عالمی شہرت یافتہ پاکستانی فلمسازاورآسکرایوارڈیافتہ شرمین عبیدچنائے کوملک میں محفوظ انتقال خون کوفروغ دینے کے لیے اعزازی سفیرمقررکردیاگیا۔


نیشنل کوآرڈینیٹر برائے محفوظ انتقال خون پروگرام پروفیسرحسن عباس ظہیر نے کہاکہ حکومت نے ملک میں نیشنل بلڈسیفٹی پروگرام کو فروغ دینے کیلیے شرمین عبیدچنائے کواعزازی سفیر مقرر کر دیا ہے وہ اعزازی سفیرکی حیثیت سے ملک میں محفوظ انتقال خون کی ترویج کے علاوہ نوجوانوں کے درمیان رضاکارانہ عطیہ کون کو فروغ دینے کیلیے کام کریں گی۔

وزیر مملکت برائے صحت سائرہ افضل تارڑنے شرمین عبیدچنائے کی تقرری کاخیرمقدم کرتے ہوئے کہا کہ ملک میں محفوظ انتقال خون کی ترویج حکومت کی اولین ترجیح ہے۔