عامر خان لیجنڈری اداکارنانا پاٹیکر کے مداح نکلے

بالی ووڈ میں اپنے کردار میں ڈھل جانے کے حوالے سے شہرت رکھنے والے اداکار عامر خان لیجنڈری اداکار ناناپاٹیکر کے سب سے بڑے مداح نکلے۔

بالی ووڈ اداکار نانا پاٹیکر اپنی جاندار اداکاری اور کردار میں ڈھل جانے کے حوالے سے شہرت رکھتے ہیں جب کہ انہوں نے اپنے فلمی کیرئیر میں متعدد بلاک بسٹر فلموں میں اداکاری کے جوہر دکھائے ہیں جسے شائقین نے بے حد سراہا ہے یہی وجہ ہے کہ مداح ان کی فلموں کا بے تابی سے انتظار کرتے ہیں تاہم اب بالی ووڈ کے مسٹر پرفیکشنسٹ عامر خان بھی ان کی اداکاری کے مداح نکلے ہیں۔


عامر خان نے سماجی رابطے کی ویب سائٹ ٹوئٹر پر اپنے پیغام میں کہا کہ فلم ''نٹسمراٹ'' میں نانا پاٹیکر نے بہت بہترین اداکاری کی ہے جس کا کوئی ثانی نہیں ہے اور جنہیں اداکاری پسند ہے انہیں یہ فلم ضرور دیکھنی چاہئے۔

واضح رہے کہ عامرخان اپنی نئی آنے والی فلم''دنگل'' کی شوٹنگ میں مصروف ہیں۔