شاہد کپورکے گھر خوشی نے دستک دے دی

بالی ووڈ اداکار شاہد کپور اور ان کی اہلیہ میرا راجپوت کے گھر ایک ننھے مہمان کی آمد کی نوید سنائی گئی ہے اور دونوں جلد ماں باپ بننے والے ہیں۔

بالی ووڈ اداکار شاہد کپور کے فلمی دنیا میں کئی اداکاراؤں کے ساتھ معاشقے رہے ہیں لیکن انہوں نے فلم نگری سے باہر شادی کی ہے جب کہ اداکار کی شادی گزشتہ سال جولائی میں میڈیکل کی طالبہ میرا راجپوت سے ہوئی تھی جس کے بعد دونوں خوشگوار زندگی گزار رہے ہیں تاہم اب شاہد کپور کے گھر خوشی نے دستک دے دی ہے۔


میڈیا رپورٹس کے مطابق شاہد کپور جلد ہی باپ بن جائیں گے کیوں کہ ان کی اہلیہ میرا راجپوت امید سے ہیں جس کے بعد جلد ہی ان کے ہاں ننھے مہمان کی آمد متوقع ہے جب کہ کپور خاندان کی جانب سے خبر کی تصدیق نہیں ہوسکی ہے۔

واضح رہے کہ اداکار شاہد کپور گزشتہ سال جولائی میں رشتہ ازدواج میں منسلک ہوئے تھے جب کہ شادی کی مرکزی تقریب ممبئی میں منعقد کی گئی تھی۔