کوہاٹمسافروین میں دھماکابزدلانہ کارروائی ہےالطاف حسین

متحدہ قومی موومنٹ کے قائدالطاف حسین نے کوہاٹ اورلوئراورکزئی کے سرحدی علاقے میں مسافرپک اپ وین میں دھماکے کی سخت مذمت کی ہے اوراس واقعےکوبزدلانہ کارروائی اور کھلی دہشت گردی قراردیاہے۔ایک بیان میں الطاف حسین نے کہاکہ ویگنوں پردھماکے کرنے والے دہشت گردملک کوعدم استحکام سے دوچارکرناچاہتے ہیں اوربے گناہ افرادکوخاک وخون میں نہلانے والے سفاک دہشتگردوںکاکوئی دین وایمان نہیں اوروہ جہالت کے اندھیروںمیںگم ہیں۔


انھوں نے مسافروین میں بم دھماکے کے نتیجے میں شہیدہونے والے افرادکے تمام سوگوارلواحقین سے دلی تعزیت وہمدردی کااظہارکیا اوردعاکی کہ اللہ تعالیٰ شہداکوجنت الفردوس میں اعلیٰ مقام عطافرمائے،سوگواران کوصبرجمیل عطاکرے۔ انھوں نے واقعے میں زخمی ہونیوالے افرادکی جلدومکمل صحتیابی کیلیے دعابھی کی۔

الطاف حسین نے صدر زرداری،وزیر اعظم راجاپرویزاشرف اوروفاقی مشیرداخلہ رحمٰن ملک سے مطالبہ کیاکہ کوہاٹ واقعے میں ملوث ہشتگردوںکوفوری گرفتارکیاجائے۔دریں اثناالطاف حسین نے معروف بھارتی اداکارراجیش کھنہ کے انتقال پر بھی افسوس کااظہارکیااورکہاکہ راجیش کھنہ بھارتی فلم انڈسٹری کی دنیامیں ایک بڑانام تھاجنھوں نے اپنی اداکاری کے ذریعے اپنے مداحوںکوایک طویل عرصے تک محظوظ کیا،ان کے انتقال سے بھارت سمیت دنیابھر کے کروڑوں مداح غمگین ہیں۔