دبنگ خان کے بعد جان ابراہم بھی ہالی ووڈ اسٹار سلویسٹر اسٹالون کے مداح نکلے

بالی ووڈ کے ایکشن ہیرو جان ابراہم نے کہا ہے کہ انہوں نے ہالی ووڈ کے ایکشن اسٹار سلویسٹر اسٹالون سے متاثر ہوکر فلم نگری میں قدم رکھا ہے۔

بالی ووڈ اداکار جان ابراہم کا شمار فلم نگری کے صف اول کے اداکاروں میں ہوتا ہے انہوں نے فلمی کیرئیر کا اغاز2003 میں ریلیز ہونے والی فلم ''جسم'' سے کیا لیکن انہیں شہرت فلم ''دھوم''سے ملی جس کے بعد وہ اپنے فلمی کیرئیر میں ایکشن ہیرو کے طور پر پہچان بنانے میں کامیاب ہوگئے ہیں تاہم بالی ووڈ کے ایکشن ہیرو بھی نامور ایکشن اسٹار کے مداح ہیں۔


جان ابراہم کا کہنا تھا کہ ہالی ووڈ کے ایکشن ہیرو سلویسٹر اسٹالون کا مداح ہوں کیوں کہ ان سے متاثر ہو کر فلم نگری میں قدم رکھا ہے جب کہ پہلی بار سلویسٹر اسٹالون کی فلم ''روکی 4'' کو بڑے پردے پر دیکھا تو ان جیسا بننے کی خواہش دل میں جاگی جس کے لیے خوب محنت کر رہا ہوں۔

واضح رہے کہ اداکار جان ابراہم اپنی نئی آنے والی فلم''فورس 2'' کی شوٹنگ میں مصروف ہیں۔