شرمین عبید چنائے کی ڈاکو مینٹری فلم ’اے گرل ان دا ریور‘ نے آسکر ایوارڈ جیت لیا
شرمین عبید چنائے پاکستان کی جانب سے دو مرتبہ آسکر ایوارڈ جیتنے والی پہلی شخصیت بن گئیں۔
شرمین عبید چنائے نے اس سے قبل 2012 میں بھی اپنی ڈاکومینٹری فلم سیونگ فیس پر آسکر ایوارڈ جیتا تھا۔ فوٹو: سی ٹی وی نیوز
KARACHI:
شرمین عبید چنائے کی مختصر دورانئے کی دستاویزی فلم 'آ گرل ان دا ریور' نے آسکر اکیڈمی ایوارڈ جیت لیا۔
شرمین عبید چنائے دوسری مرتبہ پاکستان کے لئے آسکر ایوارڈ جیتنے والی پہلی شخصیت بن گئی ہیں، شرمین عبید کی مختصر دورانئے کی دستاویزی فلم اے گرل ان دا ریور نے 88 ویں آسکر اکیڈمی ایوارڈ میں بہترین ڈاکو مینٹری فلم کا ایوارڈ اپنے نام کیا۔
شرمین عبید چنائے کی فلم اے گرل ان دا ریور ایک 19 سالہ لڑکی صبا کی زندگی پر بنائی گئی ہے جس نے اسے غیرت کے نام پر قتل کرنے کی کوشش کی جاتی ہے۔
اس موقع پر شرمین عبید چنائے کا کہنا تھا کہ پرعزم خواتین کی محنت کا صلہ کامیابی کی صورت میں ملتا ہے، ان تمام لوگوں کی شکر گزار ہوں جنھوں نے یہ فلم بنانے میں ساتھ دیا۔ ان کا کہنا تھا کہ وزیراعظم نواز شریف نے غیرت کے نام پر قتل کے قانون میں ترمیم کا وعدہ کیا ہے، یہ فلم کی طاقت ہی ہے کہ حکمرانوں نے قانون میں ترمیم کا فیصلہ کیا۔
دوسری جانب وزیراعظم نواز شریف نے آسکر ایوارڈ جیتنے پر شرمین عبید چنائے کو مبارکباد دی اور کہا کہ شرمین عبید چنائے نے دیار غیر میں پاکستان کا نام بلند کیا، پوری قوم کو ان پر فخر ہے۔ ان کا کہنا تھا کہ غیرت کے نام پر قتل غیرت نہیں اور نہ ہی اسلام اس کی اجازت دیتا ہے۔
واضح رہے کہ شرمین عبید چنائے نے اس سے قبل 2012 میں بھی اپنی ڈاکومینٹری فلم سیونگ فیس پر آسکر ایوارڈ جیتا تھا۔
شرمین عبید چنائے کی مختصر دورانئے کی دستاویزی فلم 'آ گرل ان دا ریور' نے آسکر اکیڈمی ایوارڈ جیت لیا۔
شرمین عبید چنائے دوسری مرتبہ پاکستان کے لئے آسکر ایوارڈ جیتنے والی پہلی شخصیت بن گئی ہیں، شرمین عبید کی مختصر دورانئے کی دستاویزی فلم اے گرل ان دا ریور نے 88 ویں آسکر اکیڈمی ایوارڈ میں بہترین ڈاکو مینٹری فلم کا ایوارڈ اپنے نام کیا۔
شرمین عبید چنائے کی فلم اے گرل ان دا ریور ایک 19 سالہ لڑکی صبا کی زندگی پر بنائی گئی ہے جس نے اسے غیرت کے نام پر قتل کرنے کی کوشش کی جاتی ہے۔
اس موقع پر شرمین عبید چنائے کا کہنا تھا کہ پرعزم خواتین کی محنت کا صلہ کامیابی کی صورت میں ملتا ہے، ان تمام لوگوں کی شکر گزار ہوں جنھوں نے یہ فلم بنانے میں ساتھ دیا۔ ان کا کہنا تھا کہ وزیراعظم نواز شریف نے غیرت کے نام پر قتل کے قانون میں ترمیم کا وعدہ کیا ہے، یہ فلم کی طاقت ہی ہے کہ حکمرانوں نے قانون میں ترمیم کا فیصلہ کیا۔
دوسری جانب وزیراعظم نواز شریف نے آسکر ایوارڈ جیتنے پر شرمین عبید چنائے کو مبارکباد دی اور کہا کہ شرمین عبید چنائے نے دیار غیر میں پاکستان کا نام بلند کیا، پوری قوم کو ان پر فخر ہے۔ ان کا کہنا تھا کہ غیرت کے نام پر قتل غیرت نہیں اور نہ ہی اسلام اس کی اجازت دیتا ہے۔
واضح رہے کہ شرمین عبید چنائے نے اس سے قبل 2012 میں بھی اپنی ڈاکومینٹری فلم سیونگ فیس پر آسکر ایوارڈ جیتا تھا۔