پاکستانی فلموں میں کام سے کبھی انکار نہیں کیا عمران عباس

LONDON:
ٹیلی ویژن کے معروف ادکار اور بھارتی فلموں سے شہرت حاصل کرنے والے پاکستانی ادکار عمران عباس نے کہا میں نے پاکستانی فلموں میں کام کرنے سے کبھی انکار نہیں کیا۔


مجھے جب بھی کوئی اچھا کردار ملے گا کسی بھی بڑے ادارے کی طرف سے کام کرنے کو کہا جائے گا میں ضرور کام کروں گا ،ٹیلی ویژن ڈراموں سے میرا رابطہ ختم نہیں ہوا ،بھارتی فلموں میں مصروفیات کی وجہ سے ٹیلی ویژن ڈراموں میں بھی کام کرنے کا موقع نہیں مل رہا۔یہ بات انھوں نے اپنے ایک انٹرویو میں کہی۔

انھوں نے کہا کہ میں ان دنوں دو بھارتی فلموں میں کام کررہا ہوں جس کی فلم بندی جاری ہے، حال ہی میں مجھے یاسر نواز اورعبداﷲکادوانی نے ڈرامہ سیریل میں کام کرنے کی پیشکش کی ہے مجھے یہ کرار پسند آیا جس کے بعد میں نے اس میں کام کرنے کا فیصلہ کیا ہے ایسے ہی اداروں اور ڈائریکٹر کے ساتھ کام کرنے کا موقع ملے گا تو ضرور کام کرتا رہوں گا۔