کھیل کو جنگ نہیں سمجھنا چاہیے رضا مراد

ISLAMABAD:
بھارتی اداکار رضا مراد کا کہنا ہے کہ کھیل کو کھیل کی حد تک لینا چاہیے، جنگ نہیں سمجھنا چاہیے۔

بھارت میں پاکستانی ڈرامے بے حد مقبول ہیں، موقع ملا تو پاکستانی فلموں میں ضرور کام کریں گے۔بھارتی اداکار رضا مراد نے اسلام آباد سے کراچی پہنچنے پر میڈیا سے گفتگو کرتے ہوئے کہا کہ پاکستانی کرکٹ ٹیم کی بولنگ بہت اچھی ہے۔ٹیم کو اپنی بیٹنگ درست کرنے کی اشد ضرورت ہے۔ بیٹنگ درست ہوگی تو پاکستانی ٹیم کی کامیابی یقینی ہے۔


ان کا کہنا تھا کہ بھارتی خواتین اب صرف پاکستانی ڈرامے ہی دیکھتی ہیں۔آج بھی پاکستان کے فنکار اور تبصرہ نگار بھارت آتے ہیں۔پاکستان کے عوام بہت محبت کرنے والے ہیں۔