ٹینس مسلسل دو شکستوں کے بعد اعصام کا آج تیسرا میچ جوکووک سیمی فائنل میں

سربیا کے نووک جوکووک گروپ کے تینوں میچز جیت کر اے ٹی پی ٹور فائنلز کے سیمی فائنل میں پہنچ گئے۔


انھوں نے ٹوماس بریڈیچ کو 6-2، 7-6 (8/6) سے شکست دیکر ٹائٹل کی دوڑ سے باہر کردیا، یہ موجودہ سیزن میں جوکووک کی 73 ویں فتح بنی، ڈبلز میں بھارتی جوڑی مہیش بھوپاتی اور روہن بوپنا نے سیکنڈ سیڈ میکس میرنائیا ورڈینیئل نیسٹور کو 7-6 (7/5)، 6-7 (5/7) اور 10-5 سے ہرادیا۔

گذشتہ شب کھیلے گئے گروپ ' اے ' کے ڈبلز میں پاکستان کے اعصام الحق اور یولین روزے کو امریکا کے باب اور مائیک برائن نے 7-5 اور 6-4 سے مات دیکر ٹائٹل کی دوڑ سے باہر کردیا، اعصام کی یہ ایونٹ میں لگاتار دوسری ناکامی ہے، وہ ہفتے کو اپنا آخری لیگ میچ اسپینش جوڑی مارسیل گرینولرز اور مارک لوپزکیخلاف کھیلیںگے۔