بازیابی کے بعد 350 روپے کا کھانا کہیں نہیں کھایا شہباز تاثیر

سابق گورنر پنجاب سلمان تاثیر کے ساڑھے 4 سال بعد بازیاب ہونے والے بیٹے شہباز تاثیر کا کہنا ہے کہ یہ وضاحت کرنے کی ضرورت ہے کہ انہوں نے بازیاب کے بعد 350 روپے کا کھانا کہیں بیٹھ کر نہیں کھایا۔

ایکسپریس نیوز کے مطابق کوئٹہ کے علاقے کچلاک سے بازیاب ہونے والے سابق گورنر پنجاب سلمان تاثیر کے بیٹے شہباز تاثیر نے ان اطلاعات کو رد کیا ہے کہ انہوں نے بازیاب کے بعد ساڑھے تین سو روپے کا کوئی کھانا کھایا جب کہ ان کا کہنا ہے کہ انہوں نے بازیابی کے بعد پہلی بار نہاری کھائی تھی جب کہ کچلاک کے ہوٹل مالک نے دعویٰ کیا تھا کہ شہباز تاثیر ان کے ہوٹل میں آئے اور انہوں نے روش کھایا اور 350 روپے کا بل ادا کرنے کے بعد وہاں سے چلے گئے۔

واضح رہے کہ شہباز تاثیر کی بازیابی کے حوالے سے آئی جی بلوچستان کا کہنا تھا کہ شہباز تاثیر کو سی ٹی ڈی نے کارروائی کے دوران بازیاب کرایا جب کہ آئی ایس پی آر کی جانب سے بھی کہنا تھا کہ سابق گورنر پنجاب کے بیٹے کو انٹیلی جنس کارروائی میں بازیاب کیا گیا۔