اقوام متحدہ کے زیراہتمام آج ملالہ ڈے منایا جارہا ہے

اقوام متحدہ کےزیراہتمام آج ملالہ ڈے منایا جارہا ہے، اس موقع پر صدراوروزیراعظم کی جانب سے خصوصی پیغامات میں ملالہ کا مشن جاری رکھنے کے عزم کا اظہارکیا گیا ہے۔

ایوان صدرکی جانب سے جاری پیغام میں صدرآصف زرداری نے ملالہ ڈے منانے پراقوام متحدہ کے سیکریٹری جنرل بان کی مون کا شکریہ اداکرتے ہوئے کہا کہ ملالہ بچیوں کی تعلیم کی علامت بن چکی ہے وہ ان لوگوں کے خلاف ڈھال ہے جو مذہب کا سہارا لے کر اپنی نام نہاد سوچ دوسروں پر تھوپنا چاہتے ہیں۔


وزیراعظم ہاؤس سے جاری پیغام میں کہا گیا ہے کہ ملالہ پر حملہ ہماری روایات، کلچر اور طرز زندگی پر حملہ ہے، یہ سوچوں کی جنگ ہے۔

واضح رہے کہ اقوم متحدہ کے سیکرٹری جنرل بان کی مون کی اپیل پر دس نومبر کا دن تعلیم اور امن کے لئے کام کرنے والی ملالہ یوسف زئی کے نام پر منایا جا رہا ہے۔