تائیفا ایوارڈز شو میں بالی ووڈ ستاروں کے جلوے

بالی وڈ کے دبئی میں سجنے والے رنگا رنگ تائیفا ایوارڈزکو بالی وڈ ستاروں نے اپنے جلووں سے یادگار بنادیا۔


ایوارڈز تقریب میں بالی وڈ کے تمام ٹاپ اسٹارز نے شرکت کی جن میں میگا اسٹار امیتابھ بچن،سلمان خان،شاہ رخ خان،اکشے کمار،پرینکا چوپڑا،کرینہ کپور،سوناکشی سنہا،کترینہ کیف اور دیگر شامل تھے۔

تائیفا2016ایوارڈز کے ججز کے فیصلے کے مطابق''بجرنگی بھائی جان''کو بہترین فلم قرار دیا گیاہے۔سنجے لیلا بھنسالی بہترین ڈائریکٹر،رنویر سنگھ بہترین اداکار جب کہ کنگنا رناوت کو بہترین اداکارہ کا ایوارڈ دیا گیاہے۔پرینکا چوپڑا بہترین معاون اداکارہ قرار پائیں۔