ماہرہ خان اچھی اداکارہ ہیں جن سے مجھے سیکھنے کا موقع مل رہا ہے شاہ رخ خان

QUETTA:
بالی ووڈ پر راج کرنے والے کنگ شاہ رخ خان نے کہا کہ ماہرہ خان اور نواز الدین صدیقی اچھے اداکار ہیں جن سے مجھے سیکھنے کا موقع مل رہا ہے۔

پاکستانی ڈراموں سے شہرت حاصل کرنے والی اداکارہ ماہرہ خان بالی ووڈ میں اپنے فنی کیرئیر کا آغاز شاہ رخ خان کی فلم''رئیس'' سے کررہی ہیں اور ادن دنوں وہ فلم کی شوٹنگ میں مصروف ہیں جب کہ شوٹنگ کے دوران ہی کنگ خان ماہرہ خان کی فنی صلاحیتوں کے معترف ہوگئے ہیں۔


بالی ووڈ کنگ شاہ رخ خان کا اپنے ایک انٹرویو میں کہنا تھا کہ ماہرہ خان اور نواز الدین صدیقی فلم ''رئیس'' کے لیے بہترین اور باصلاحیت اداکار ہیں جن کی بے پناہ صلاحیتوں سے بے حد متاثر ہوا ہوں جب کہ مجھے امید ہے کہ ان کی مدد سے میری کارکردگی میں مزید بہتری آئے گی۔

واضح رہے کہ بالی ووڈ اداکار شاہ رخ خان فلم''رئیس'' میں مرکزی کردار ادا کریں گے جب کہ ان کے مدمقابل ماہرہ خان بھی مرکزی کردار نبھائیں گی۔