17یمنی یہودیوں کاگروپ خفیہ طریقے سے اسرائیل منتقل

اسرائیل نے اس امر کی تصدیق کی ہے کہ ایک خفیہ آپریشن کے ذریعے یمن میں باقی رہ جانیوالے یہودیوں کے گروپ کو کامیابی سے نکال کر اسرائیل پہنچا دیا گیا ہے۔


امریکی ٹی وی نے بتایا کہ یہ گروپ 17 افراد پرمشتمل ہے، تاہم صنعا میں اب بھی 40 یہودی باقی ہیں جنھوں نے اسرائیل ہجرت کو مسترد کر دیا ہے۔یاد رہے کہ گزشتہ ماہ ایک عالمی خبرایجنسی کی رپورٹ میں بتایا گیا تھا کہ یمن میں یہودیوں کے پرانے فرقے سے تعلق رکھنے والے چند خاندان ہی رہ گئے ہیں۔

تاہم یمن میں اقتدار پرحوثیوں کے قبضے کے بعد ان خاندانوں کے افراد جلد ہی ملک سے فرار اختیار کرسکتے ہیں۔حوثی ملیشیا جن کا نعرہ ہے ''امریکا مردہ باد، اسرائیل مردہ باد، یہودیوں پرلعنت، فتح اسلام کے لیے''ان کے ہاتھوں تنگ آکر گزشتہ چند برسوں میں یہودی اکثریت شمالی یمن چھوڑنے پرمجبور ہوئی جہاں وہ سیکڑوں برسوں سے مسلمانوں کے ساتھ مل کر رہ رہے تھے۔