بہاول نگر کے قریب ٹریفک حادثے میں ایک ہی خاندان کے 5 افراد جاں بحق
ہارون آباد میں ہونے والے حادثے میں جاں بحق افراد میں 2 خواتین اور ایک بچہ بھی شامل ہے۔
وزیراعلیٰ پنجاب کا قیمتی جانوں کے ضیاع پر افسوس اور زخمیوں کو طبی سہولیات فراہم کرنے کی ہدایت۔ فوٹو: ایکسپریس نیوز
ہارون آباد میں ٹریفک حادثے میں ایک ہی خاندان کے 5 افراد جاں بحق جب کہ 3 زخمی ہو گئے۔
ایکسپریس نیوز کے مطابق بہاول نگر کے قریب ہارون آباد کے چک ڈھاباں میں ٹریکٹر ٹرالی اور رکشے میں تصادم کے نتیجے میں 4 افراد موقع پر جاں بحق جب کہ 4 زخمی ہو گئے۔ زخمیوں کو فوری طور پر قریبی اسپتال منتقل کیا گیا جہاں مزید ایک شخص دم توڑ گیا۔ جاں بحق ہونے والوں کی لاشیں ڈسٹرکٹ ہیڈ کوارٹر بہاولنگر منتقل کر دی گئیں ہیں جنھیں قانونی کارروائی کے بعد لواحقین کے حوالے کر دیا جائے گا۔
پولیس حکام کا کہنا ہے کہ ٹریفک حادثے میں جاں بحق ہونے والوں کا تعلق حجرہ مقیم شاہ تھا اور یہ لوگ چہلم کے سلسلے میں نواحی علاقے محمودہ جودھے کا میں آئے تھے۔ ٹریفک حادثے میں جاں بحق ہونے والوں میں 2 خواتین اور ایک بچہ بھی شامل ہے جن کی شناخت سکینہ، خورشیدہ بی بی، حاجی منظور، رضوان اورعمران خان کے ناموں سے ہوئی ہے۔
وزیراعلیٰ پنجاب شہباز شریف نے بہاولنگر کے قریب ٹریفک حادثہ میں قیمتی انسانی جانوں کے ضیاع پر دکھ اور افسوس کا اظہار کرتے ہوئے لواحقین سے ہمدردی اور اظہار تعزیت کیا ہے۔ وزیراعلیٰ پنجاب نے زخمیو ں کو بہترین طبی سہولتیں فراہم کرنے کی ہدایت کرتے ہوئے انتظامیہ سے حادثے کی رپورٹ طلب کر لی ہے۔
ایکسپریس نیوز کے مطابق بہاول نگر کے قریب ہارون آباد کے چک ڈھاباں میں ٹریکٹر ٹرالی اور رکشے میں تصادم کے نتیجے میں 4 افراد موقع پر جاں بحق جب کہ 4 زخمی ہو گئے۔ زخمیوں کو فوری طور پر قریبی اسپتال منتقل کیا گیا جہاں مزید ایک شخص دم توڑ گیا۔ جاں بحق ہونے والوں کی لاشیں ڈسٹرکٹ ہیڈ کوارٹر بہاولنگر منتقل کر دی گئیں ہیں جنھیں قانونی کارروائی کے بعد لواحقین کے حوالے کر دیا جائے گا۔
پولیس حکام کا کہنا ہے کہ ٹریفک حادثے میں جاں بحق ہونے والوں کا تعلق حجرہ مقیم شاہ تھا اور یہ لوگ چہلم کے سلسلے میں نواحی علاقے محمودہ جودھے کا میں آئے تھے۔ ٹریفک حادثے میں جاں بحق ہونے والوں میں 2 خواتین اور ایک بچہ بھی شامل ہے جن کی شناخت سکینہ، خورشیدہ بی بی، حاجی منظور، رضوان اورعمران خان کے ناموں سے ہوئی ہے۔
وزیراعلیٰ پنجاب شہباز شریف نے بہاولنگر کے قریب ٹریفک حادثہ میں قیمتی انسانی جانوں کے ضیاع پر دکھ اور افسوس کا اظہار کرتے ہوئے لواحقین سے ہمدردی اور اظہار تعزیت کیا ہے۔ وزیراعلیٰ پنجاب نے زخمیو ں کو بہترین طبی سہولتیں فراہم کرنے کی ہدایت کرتے ہوئے انتظامیہ سے حادثے کی رپورٹ طلب کر لی ہے۔