پی سی بی کا سرفرازاحمد کوکپتان بنانے کا فیصلہ اچھا ہے شاہد آفریدی

قومی ٹی ٹوئٹی کے سابق کپتان شاہد آفریدی کا کہنا ہے کہ پاکستان کرکٹ بورڈ کا سرفرازاحمد کوکپتان بنانے کا فیصلہ اچھا ہے۔

سماجی رابطے کی ویب سائٹ ٹوئٹرپرقومی ٹی ٹوئٹی کرکٹ کے سابق کپتان شاہد آفریدی نے کہا کہ پاکستان کرکٹ بورڈ کا سرفرازاحمد کو کپتان بنانے کا فیصلہ اچھا ہے،انکا کہنا تھا کہ سرفرازایک محنتی، فائٹراور پرجوش کھلاڑی ہے۔

واضح رہے کہ ایشیا کپ اورٹی ٹوئنٹی ورلڈ کپ میں بدترین کارکردگی کے بعد شاہد آفریدی کپتانی سے دستبردارہوگئے تھے جب کہ آج پاکستان کرکٹ بورڈ کی جانب سے وکٹ کیپربیٹسمین سرفرازاحمد کو قومی ٹی ٹوینٹی کرکٹ ٹیم کا نیا کپتان مقررکردیا گیا ہے۔