وزیراعظم نوازشریف کچھ دیر میں قوم سے خطاب کریں گے

وزیراعظم نوازشریف کچھ دیر میں قوم سے خطاب کریں گے جس میں وہ پاناما لیکس کے معاملے پر قوم کو اعتماد میں لیں گے۔


ایکسپریس نیوز کے مطابق وزیراعظم نوازشریف کچھ دیر میں قوم سے خطاب کریں گے جس میں وہ پاناما لیکس کے معاملے پر قوم کو اعتماد میں لیں گے اور پاناما لیکس کی جانب سے آف شور کمپنیوں سے متعلق رپورٹس میں شریف خاندان پر لگنے والے الزامات کی وضاحت کریں گے۔

واضح رہے کہ پاناما لیکس نے آف شور کمپنیوں اور اکاؤنٹس سے متعلق ایک رپورٹ جاری کی تھی جس میں دنیا بھر کے سیاستدان، کھلاڑیوں سمیت اہم شخصیات پر الزامات عائد کیے تھے جن میں وزیراعظم نوازشریف اور ان کے بچوں پر بھی آف شور کمپنیاں بنانے کے الزامات عائد کیے گئے تھے۔