پاناما لیکس وزیراعظم کی نااہلی سے متعلق دائر تمام درخواستوں کو یکجا کرنے کی ہدایت

جسٹس شاہد وحید نے پاناما لیکس کی بنیاد پر وزیراعظم نواز شریف کی نااہلی کی درخواستوں کو یکجا کرنے کی ہدایت کردی۔

ایکسپریس نیوزکے مطابق لاہورہائیکورٹ میں جسٹس شاہد وحید نے پاناما لیکس کے انکشافات کے بعد وزیراعظم کی نااہلی سے متعلق دائر درخواستوں کی سماعت کی۔ اس موقع پرجسٹس شاہد وحید نے پاناما لیکس کی بنیاد پروزیراعظم کے حوالے سے تمام درخواستوں کو یکجا کرنے کی ہدایت کردی۔ درخواست گزاروں کا موقف ہے کہ پاناما لیکس کی جوڈیشل انکوائری کے بجائے نیب سے تحقیقات کرائی جائیں۔


واضح رہے کہ تحریک انصاف کے گوہرنوازسندھو سمیت دیگر شہریوں نے درخواستیں دائرکررکھی تھیں جن میں مبینہ طور پر وزیراعظم اورکالا دھن رکھنے والے دیگرسیاستدانوں کے خلاف کارروائی کی استدعا کی گئی ہے۔