بالی ووڈ اداکار شاہد کپور کے ہاں ننھے مہمان کی آمد متوقع

بالی ووڈ اسٹار شاہد کپور اور ان کی اہلیہ میرا کے ہاں ننھے مہمان کی جلد آمد متوقع ہے۔


بالی ووڈ اداکار شاہد کپور کی گزشتہ سال جولائی میں میڈیکل کی طالبہ میرا راجبوت سے شادی ہوئی تھی جس میں بالی ووڈ اداکاروں سمیت ممتاز شخصیات نے شرکت کی تھی تاہم اب اداکار شاہد کپور کے گھر ننھے مہمان سے متعلق جلد ہی خوشخبری آنے والی ہے۔

میڈیا رپورٹس کے مطابق بالی ووڈ اداکار شاہد کپور اور ان کی اہلیہ میرا راجپوت کے ہاں جلد ہی نئے مہمان کی آمد متوقع ہے جس کے بعد ان کی شادی کی پہلی سالگرہ کے موقع پر بچے کی ولادت کا امکان ہے جب کہ ان کے قریبی دوست نے بھی شاہد کپور کے جلد باپ بننے کی خبروں کی تصدیق کردی ہے۔