عامر خان کی لیجنڈری اداکار دلیب کمار کی اسپتال میں عیادت

بالی ووڈ میں مسٹر پر فیکشنسٹ کے نام سے مشہور اداکار عامر خان نے لیجنڈری اداکار یوسف خان المعروف دلیپ کمار کی اسپتال میں عیادت کی۔

بالی ووڈ اداکار عامر خان ممبئی کے اسپتال پہنچے جہاں انہوں نے زیر علاج لیجنڈری اداکاردلیپ کمار کی عیادت کی اور ان کی صحت یابی اور درازی عمر کے لیے دعا کی اور نیک تمناؤں کا اظہار کیا جب کہ بالی ووڈ اداکار نے لیجنڈری اداکار کے ساتھ طویل وقت بھی گزارا۔


دوسری جانب دلیپ کمار کی بیگم سائرہ بانو نے سماجی رابطے کی ویب سائٹ ٹوئٹر پر دلیپ کمار کی عیادت کرنے اور ساتھ وقت گزارنے پر اداکارعامر خان کا شکریہ ادا کیا۔

واضح رہے کہ بالی ووڈ کے شہنشاہ رومانیت دلیپ کمار کئی روز سے اسپتال میں زیر علاج ہیں۔