اسپین کا فٹبال کلب ریال میڈرد پاکستان میں ٹریننگ اسکول کھولے گا
ان اسکولز میں 400 لڑکے اور لڑکیوں کو فٹبال کے گر سکھائے جائیں گے۔
ان اسکولز میں 6 سے 17 برس تک کے بچوں کو بہترین فٹبالر بننے کی تربیت دی جائے گی۔ فوٹو: فائل
اسپین کے مشہور فٹبال کلب ریال میڈرڈ نے پاکستان میں فٹبال ٹریننگ اسکول کھولنے کی حامی بھرلی ہے۔
ذرائع کے مطابق کراچی کی مقامی این جی او کے ساتھ معاہدہ کرتے ہوئے ریال میڈرڈ نے شہر میں 2 فٹبال اسکولز کھولنے کا منصوبہ بنالیا ہے۔ ان اسکولز میں 400 لڑکے اور لڑکیوں کو فٹبال کے گر سکھائے جائیں گے۔
میڈرڈ شہر میں سائن کیے گئے معاہدے کے مطابق ان اسکولز میں 6 سے 17 برس تک کے بچوں کو بہترین فٹبالر بننے کی تربیت دی جائے گی۔