سعودی عرب پہنچنے والے 250 عمرہ زائرین کا بطور شاہی مہمان استقبال

KARACHI:
عمرہ اور زیارتوں کیلیے سعودی عرب پہنچنے والے250 زائرین کابطور شاہی مہمان استقبال کیا گیا، یہ افراد خادم الحرمین الشریفین شاہ سلمان بن عبدالعزیز آل سعود کے خصوصی مہمانان پروگرام کے سلسلے میں پانچویں کھیپ کے تحت مدینہ منورہ پہنچے ہیں۔


سعودی فرماں روا نے عمرے کی ادائیگی کے سلسلے میں ان افراد کی میزبانی کے احکام جاری کیے تھے۔ عمرہ زائرین کے گروپ میں شامل ان افراد کا تعلق ملائیشیا، ترکی، کرغستان، قازقستان، تاجکستان، آذربائی جان، جارجیا، بلغاریہ، سربیا، چیک ریپبلک، ازبکستان، رومانیہ، البانیہ، سلووینیا اور پولینڈ سے ہے۔ گورنرمدینہ منورہ نے ان افراد کاایئرپورٹ پراستقبال کیا۔ تمام مہمان پیر کومکہ مکرمہ روانہ ہوجائیں گے جہاں وہ اسی روز عمرہ ادا کریں گے۔