قومی ایئرلائن کی پروازحادثے سے بچ گئی وزیراعلیٰ گلگت سمیت تمام مسافر محفوظ رہے

گلگت جانےوالی قومی ایئرلائن کی پروازحادثے سےبال بال بچ گئی، طیارے میں موجود وزیراعلیٰ گلگت بلتستان سمیت تمام مسافر محفوظ رہے۔


ایئرپورٹ ذرائع کے مطابق پی آئی اے کی پروازٹیک آف کرنے ہی والی تھی کہ اچانک طیارے کے ٹائر میں آگ لگ گئی، پائلٹ نےایمرجنسی بریک لگا کر طیارے کو رن وے پر ہی روک لیا، سول ایوی ایشن کے عملے نے موقع پر پہنچ کر فوری طور پر آگ پر قابو پایا۔

ذرائع کے مطابق طیارے میں سوار وزیر اعلیٰ گلگت سمیت 45 مسافرمحفوظ رہے،ڈی جی سول ایوی ایشن اتھارٹی نےواقعے کا نوٹس لیتے ہوئے متعلقہ حکام سے 24 گھنٹوں میں انکوائری رپورٹ طلب کرلی۔