کراچی میں خاتون کے ہاں بیک وقت 5 بچوں کی پیدائش

نجی اسپتال میں خاتون نے بیک وقت 5 بچوں کو جنم دیا جن میں 2 بيٹے اور 3 بيٹياں شامل ہیں۔

کراچی کے نجی اسپتال میں گوادر سے تعلق رکھنے والی خاتون نے بیک وقت 5 بچوں کو جنم دیا جن میں 2 بیٹے اور 3 بیٹیاں شامل ہیں جب کہ ماں اور بچے دونوں خیریت سے ہیں۔ ڈاکٹرز کا کہنا ہے کہ پانچوں بچوں کی پیدائش قبل از وقت ہوئی ہے جس کی وجہ سے بچوں کے وزن مطلوبہ وزن سے بہت كم ہیں تاہم تمام بچوں کو انكوبيٹر میں رکھا گیا ہے جب کہ اسپتال انتظامیہ نے خاتون اور بچوں کا علاج بلا معاوضہ کرنے کا اعلان کیا ہے۔


بیک وقت 5 بچوں کی پیدائش پر بچوں کے والد کا کہنا تھا کہ وہ بچوں کی ولادت پر بہت خوش ہیں تاہم وہ ایک پیشہ ور مزدور ہے اور بچوں کی کفالت کے حوالے سے پریشان بھی ہیں۔