فنکار ثقافتی تعلقات کی بحالی کے لیے سرگرم ہیں رؤف لالہ

اداکار رؤف لالہ نے کہا بھارتی چینل پر کام کرکے احساس ہوا کہ ٹیلنٹ کبھی شکست نہیں کھاتا۔ دونوں ممالک کے درمیان فنکار ثقافتی تعلقات کی بحالی میں پل کا کا م سر انجام دے رہے ہیں۔


ٹینشن زدہ ماحول میں اصلاحی و بامقصد مزاحیہ ڈرامے وقت کی ضرورت بن چکے ہیں۔ ان کا کہنا تھا کہ فنکاروں کو مل جل کر تھیٹر کی بحالی کے لیے کوششیں کرنا ہوں گی۔ عید کے ڈرامے کے لیے ممبئی میں چینل کی مصروفیات چھوڑ کر آئیں گے۔ لوگوں کو معیاری تھیٹر کے ذر یعے اچھی تفریح فراہم کرنے کی کوشش کرتے رہیں گے۔ ممبئی کے واقعات کے بارے میں ان کا کہنا تھا کہ بھارتی فنکاروں کی اکثریت دونوں ملکوں کے درمیان امن چاہتے ہیں۔