ملک کے میدانی علاقوں میں موسم بدستور گرم بالائی علاقوں میں بارش کا امکان

ISLAMABAD:
ملک کے بیشتر میدانی علاقوں میں آج بھی موسم گرم اور خشک رہنے جب کہ بالائی علاقوں میں تیز ہواؤں اور آندھی کے ساتھ بارش کا امکان ہے۔


محکمہ موسمیات کے مطابق ملک کے بیشتر علاقوں میں موسم شدید گرم اور خشک رہے گا، پنجاب اور خیبر پختونخوا کے میدانی علاقوں، سندھ میں سکھر، لاڑکانہ، میرپور خاص، شہید بینظیر آباد ڈویژن اور بلوچستان میں سبی اور مکران ڈویژن میں موسم شدید گرم رہے گا تاہم آج رات پشاور، ہزارہ، کوہاٹ، راولپنڈی ڈویژن، اسلام آباد، بالائی فاٹا اور کشمیر میں چند مقامات پر تیز ہواؤں اور آندھی کے علاوہ گرج چمک کے ساتھ بارش کا بھی امکان ہے۔

آج سب سے زیادہ درجہ حرارت بھکر میں 49 ڈگری سینٹی گریڈ ریکارڈ کیا گیا جب کہ شہید بے نظیر آباد اور نور پور تھل میں پارہ 48 ڈگری تک جا پہنچا۔ اس کے علاوہ ڈی کوٹ ادو، سکھر اور تربت میں 46، جی خان، فیصل آباد اور جھنگ میں 45، ٹوبہ ٹیک سنگھ، رحیم یار خان، ملتان، اوکاڑہ اور لیہ میں 44، بہاول نگر اور پشاور میں 43 جب کہ بہاولپور، حیدر آباد، قصور اور ساہیوال میں درجہ حرارت 42 ریکارڈ کیا گیا۔