میانداد ومعین نے احمد شہزاد اور عمرکی حمایت میں آواز اٹھا دی

سابق کپتان جاوید میانداد اور معین خان نے احمد شہزاد اور عمر اکمل کی حمایت میں آواز اٹھا دی۔


کراچی میں میڈیا سے بات چیت کرتے ہوئے میانداد نے کہا کہ دونوں کرکٹرز نے اگر ڈسپلن کی خلاف ورزی کی تو ضرور سزا دیں مگر ٹیم سے نہیں نکالنا چاہیے۔ یہ ان کے ساتھ ناانصافی اور کیریئر تباہ کرنے کے مترادف ہے۔

دوسری جانب معین خان نے کہا کہ احمد اور عمر ایسے کھلاڑی نہیں کہ ٹیم کیلیے سنگین مسائل پیدا کریں، انھوں نے اگر کوئی بڑی غلطی کی تو ضرور ڈراپ کریں لیکن عوام کو ان کا قصور ضرور بتایا جائے تاکہ دیگر کھلاڑی بھی احتیاط برتیں، ٹیم سے نکال دینا مسئلے کا حل نہیں ہے۔