سعودی عرب میں بس اور ٹرک میں تصادم 4 افراد ہلاک اور31 زخمی
بس میں 51 افرادسوار تھے جب کہ زخمیوں میں سے 21 افراد کی حالت انتہائی تشویشناک ہے، ترجمان سعودی ہلال احمر
بس میں 51 افرادسوار تھے جس میں زیادہ تر افراد کا تعلق بھارت اور مصر سے تھا، ترجمان ہلال احمر، فوٹو : فائل
سعودی عرب میں بس اور ٹرک میں تصادم کے نتیجے 4 افراد ہلاک اور 31 زخمی ہوگئے۔
عرب میڈیا کے مطابق دارالحکومت ریاض کے قریب مسافروں سے بھری بس اور ٹرک میں تصادم کے نتیجے میں 4 افراد ہلاک جب کہ 31 زخمی ہوگئے جنہیں اسپتال منتقل کردیا گیا ہے۔ سعودی ہلال احمر کے ترجمان کا کہنا ہے کہ بس میں 51 افرادسوار تھے جس میں زیادہ تر افراد کا تعلق بھارت اور مصر سے تھا ، زخمیوں میں سے 21 کی حالت انتہائی تشویشناک ہے۔
حکام کا کہنا ہے کہ ابتدائی طور پر لگتا ہے کہ حادثہ تیز رفتاری کے باعث پیش آیا تاہم واقعے کی مزید تحقیقات کی جارہی ہیں جب کہ مرنے و الے افراد کا تعلق کس ملک سے تھا ان کی شناخت ظاہر نہیں کی گئی ۔
عرب میڈیا کے مطابق دارالحکومت ریاض کے قریب مسافروں سے بھری بس اور ٹرک میں تصادم کے نتیجے میں 4 افراد ہلاک جب کہ 31 زخمی ہوگئے جنہیں اسپتال منتقل کردیا گیا ہے۔ سعودی ہلال احمر کے ترجمان کا کہنا ہے کہ بس میں 51 افرادسوار تھے جس میں زیادہ تر افراد کا تعلق بھارت اور مصر سے تھا ، زخمیوں میں سے 21 کی حالت انتہائی تشویشناک ہے۔
حکام کا کہنا ہے کہ ابتدائی طور پر لگتا ہے کہ حادثہ تیز رفتاری کے باعث پیش آیا تاہم واقعے کی مزید تحقیقات کی جارہی ہیں جب کہ مرنے و الے افراد کا تعلق کس ملک سے تھا ان کی شناخت ظاہر نہیں کی گئی ۔