کورکمانڈرکراچی کی وزیراعلی سندھ سے ملاقات اویس شاہ کے اغوا پر تبادلہ خیال

ISLAMABAD:
وزیراعلی سندھ سید قائم علی شاہ سے کور کمانڈر کراچی نے ملاقات کی جس میں چیف جسٹس سندھ ہائیکورٹ کے صاحبزادے کے اغوا سمیت مختلف امور پر تبادلہ خیال کیا گیا۔

ایکسپریس نیوز کے مطابق کور کمانڈر کراچی لیفٹیننٹ جنرل نوید مختار نے وزیراعلی سندھ سید قائم علی شاہ سے ملاقات کی۔ وزیراعلی ہاؤس میں ہونے والی ملاقات میں چیف جسٹس سندھ ہائیکورٹ جسٹس سجاد علی شاہ کے صاحبزادے اویس شاہ کے اغوا اور شہر میں امن و امان کی مجموعی صورتحال پر تبادلہ خیال کیا گیا۔


اس موقع پر اویس شاہ کی بازیابی کے لئے کی گئی کوششوں سمیت آئندہ کی حکمت عملی پر غور کیا گیا۔

واضح رہے کہ چیف جسٹس سندھ ہائیکورٹ جسٹس سجاد علی شاہ کے صاحبزادے اویس شاہ کو 20 جون کو کراچی کے علاقے کلفٹن سے اغوا کرلیا گیا تھا جو تاحال لاپتہ ہیں۔