غیر ملکی ہیکرز نے گوگل پاکستان سمیت ملک کی 285سائٹس کو ہیک کرلیا

گوگل پاکستان سمیت ملک کی سیکڑوںسرکاری اورنجی ویب سائٹس ہیک کر لی گئیں۔


ترک ہیکرز گروپ نے دعویٰ کیاہے کہ انھوںنے گوگل پاکستان کی ویب سائٹ ہیک کی ہے۔گوگل پاکستان کے ترجمان نے سائٹ ہیک کیے جانے کی تصدیق کرتے ہوئے کہاکہ ادارہ ہیکرزکے اس حملے کی تحقیقات کر رہاہے۔ترک ہیکرگروپ نے گوگل پاکستان کوہیک کرنے کے بعدویب سائٹ پراپناوال پیپرپوسٹ کر دیاتھا۔

ایک غیر ملکی خبرایجنسی کے مطابق پاکستان کی کل 285 ویب سائٹس ہیک کی گئی ہیں جن میں پاکستان کے اہم اداروں کی ویب سائٹس بھی شامل ہیں۔ پاکستان ٹیلی کام اتھارٹی کا کہنا ہے کہ گوگل پاکستان کی ویب سائٹ کو ری کنسٹرکٹ کرکے بحال کر دیا گیا ہے۔