راولپنڈی ہولی فیملی اسپتال میں جڑواں بچوں کو چوہے نے کاٹ لیا ایک بچہ جاں بحق
گزشتہ رات بچوں کو چوہے نے کاٹ لیا جس کے نتیجے میں ایک بچہ چل بسا اور دوسراشدید زخمی ہو گیا۔ فوٹو: ایکسپریس
ہولی فیملی اسپتال میں دو نومولود بچوں کو چوہے نے کاٹ لیا جس کے نتیجے میں ایک بچہ جاں بحق جبکہ دوسرا شدید زخمی ہو گیا۔
راولپنڈی کی رہائشی راحیلہ نامی خاتون کے ہاں چند روز قبل سرکاری اسپتال ہولی فیملی میں دو جڑواں بچوں کی پیدائش ہوئی جن میں سے ایک بچے کو اسپتال کی نرسری میں رکھا گیاتھا۔
گزشتہ رات بچوں کو چوہے نے کاٹ لیا جس کے نتیجے میں ایک بچہ چل بسا اور دوسراشدید زخمی ہو گیا جو انتہائی نگہداشت یونٹ میں زیر علاج ہے۔ بچے کے لواحقین نے شدید احتجاج کرتے ہوئے واقعے کو اسپتال انتظامیہ کی کھلی غفلت قراردیا، اسپتال انتظامیہ نے لواحقین کی شکایت پر تحقیقات شروع کردی ہیں۔
لواحقین نے بتایا کہ اسپتال میں صفائی کے ناقص انتظامات کے باعث چوہوں کی بہتات ہے۔