لیاری ایکسپریس وے آئندہ سال مکمل ہوجائے گا گورنر
این ایچ اے کو منصوبے کی تکمیل کیلیے رائٹ آف وے بھی فراہم کردیا جائے گا۔
گورنرسندھ ڈاکٹر عشرت العباد خان نے بتایا کہ لیاری ایکسپریس وے منصوبے کے لیے تقریباً 29 ہزار خاندانوں کو منتقل کیا جانا تھا جس میں سے بیشتر منتقل ہوچکے ہیں۔ فوٹو : فائل
گورنرسندھ ڈاکٹر عشرت العباد خان نے کہا ہے کہ لیاری ایکسپریس وے کا باقی کام آئندہ سال دسمبر تک مکمل ہو جائے گا اور اس کے دونوں ٹریک مکمل طور پر رواں ہوجائیں گے۔
وہ دھوبی گھاٹ کے قریب لیاری ایکسپریس کے زیر تعمیر حصہ پر میڈیا سے بات چیت کر رہے تھے، گورنر نے بتایا کہ ایکسپریس وے کا زیر التوا کام شروع ہوچکا ہے اور اس سال این ایچ اے کو منصوبے کی تکمیل کے لیے رائٹ آف وے فراہم کردیا جائے گا، انھوں نے تین ہٹی سے دھوبی گھاٹ تک کچے راستے پر چلتے ہوئے زیر تعمیر ٹریک کی جگہ کا معائنہ کیا اور متعلقہ حکام کو ضروری ہدایات دیں۔
کمشنر ہاشم رضا اور این ایچ اے کے بریگیڈیر نے گورنر کو منصوبے پر جاری کام کی تفصیلات سے آگاہ کیا، گورنر نے بتایا کہ لیاری ایکسپریس وے منصوبے کے لیے تقریباً 29 ہزار خاندانوں کو منتقل کیا جانا تھا جس میں سے بیشتر منتقل ہوچکے ہیں جبکہ منتقلی کا باقی کام بھی دسمبر تک مکمل ہوجائیگا،گورنر نے منصوبے کے بعض حصوں میں دوبارہ تجاوزات کی اطلاع کا سخت نوٹس لیا۔
وہ دھوبی گھاٹ کے قریب لیاری ایکسپریس کے زیر تعمیر حصہ پر میڈیا سے بات چیت کر رہے تھے، گورنر نے بتایا کہ ایکسپریس وے کا زیر التوا کام شروع ہوچکا ہے اور اس سال این ایچ اے کو منصوبے کی تکمیل کے لیے رائٹ آف وے فراہم کردیا جائے گا، انھوں نے تین ہٹی سے دھوبی گھاٹ تک کچے راستے پر چلتے ہوئے زیر تعمیر ٹریک کی جگہ کا معائنہ کیا اور متعلقہ حکام کو ضروری ہدایات دیں۔
کمشنر ہاشم رضا اور این ایچ اے کے بریگیڈیر نے گورنر کو منصوبے پر جاری کام کی تفصیلات سے آگاہ کیا، گورنر نے بتایا کہ لیاری ایکسپریس وے منصوبے کے لیے تقریباً 29 ہزار خاندانوں کو منتقل کیا جانا تھا جس میں سے بیشتر منتقل ہوچکے ہیں جبکہ منتقلی کا باقی کام بھی دسمبر تک مکمل ہوجائیگا،گورنر نے منصوبے کے بعض حصوں میں دوبارہ تجاوزات کی اطلاع کا سخت نوٹس لیا۔