وزیراعظم نواز شریف کی چینی انجینئرز کا تحفظ یقینی بنانے کی ہدایت
توانائی اور انفرااسٹرکچر منصوبوں پر چینی انجینئرز کی خدمات قابل تعریف ہیں، وزیراعظم
چینی انجینئرز کی لاشیں جلد از جلد ان کے وطن واپس بھیجیں جائیں گی، وزیراعظم نواز شریف۔ فوٹو؛ فائل
وزیراعظم نواز شریف نے تربیلا ڈیم کے توسیعی منصوبے ٹی فور پر شٹرنگ گرنے سے ہلاک ہونے والے چینی انجینئرز کی ہلاکت پر افسوس کا اظہار کرتے ہوئے چینی انجینئرز کا تحفظ یقینی بنانے کی ہدایت کی ہے۔
ایکسپریس نیوز کے مطابق وزیراعظم نواز شریف نے تربیلا توسیعی منصوبے میں کام کے دوران چینی انجینئرز کی ہلاکت پر افسوس کا اظہار کرتے ہوئے متاثرہ خاندانوں سے ہمدردی کا اظہار کیا ہے۔ وزیراعظم کا کہنا تھا کہ توانائی اور انفرااسٹرکچر منصوبوں پر چینی انجینئرز کی خدمات قابل تعریف ہیں، تعاون پر چین کی حکومت اور عوام کے شکر گزار ہیں۔ وزیراعظم نواز شریف نے توانائی منصوبوں پر کام کرنے والے چینی انجینئرز کا تحفظ یقینی بنانے کی بھی ہدایت کی اور کہا کہ چینی انجینئرز کی لاشیں جلد از جلد ان کے وطن واپس بھیجیں جائیں گی۔
واضح رہے کہ گزشتہ روز ہری پور کے علاقے تربیلا میں تربیلاڈیم کے توسیعی منصوبے ٹی فور پر کام کرنے والے افراد پر شٹرنگ گرگئی تھی جس کے نتیجے میں 2 چینی انجینئرز اور 2 مقامی افراد ہلاک ہو گئے تھے، حادثے میں 2 چینی انجینئرز سمیت 4 افراد زخمی بھی ہوئے تھے۔
ایکسپریس نیوز کے مطابق وزیراعظم نواز شریف نے تربیلا توسیعی منصوبے میں کام کے دوران چینی انجینئرز کی ہلاکت پر افسوس کا اظہار کرتے ہوئے متاثرہ خاندانوں سے ہمدردی کا اظہار کیا ہے۔ وزیراعظم کا کہنا تھا کہ توانائی اور انفرااسٹرکچر منصوبوں پر چینی انجینئرز کی خدمات قابل تعریف ہیں، تعاون پر چین کی حکومت اور عوام کے شکر گزار ہیں۔ وزیراعظم نواز شریف نے توانائی منصوبوں پر کام کرنے والے چینی انجینئرز کا تحفظ یقینی بنانے کی بھی ہدایت کی اور کہا کہ چینی انجینئرز کی لاشیں جلد از جلد ان کے وطن واپس بھیجیں جائیں گی۔
واضح رہے کہ گزشتہ روز ہری پور کے علاقے تربیلا میں تربیلاڈیم کے توسیعی منصوبے ٹی فور پر کام کرنے والے افراد پر شٹرنگ گرگئی تھی جس کے نتیجے میں 2 چینی انجینئرز اور 2 مقامی افراد ہلاک ہو گئے تھے، حادثے میں 2 چینی انجینئرز سمیت 4 افراد زخمی بھی ہوئے تھے۔