پشاور میں نامعلوم افراد کی گھر پر فائرنگ 3 افراد جاں بحق

ہزار خوانی میں نامعلوم افراد کی جانب سے گھر پر فائرنگ کے نتیجے میں 3 افراد جاں بحق ہوگئے۔


ایکسپریس نیوز کے مطابق پشاور کے علاقے ہزار خوانی فائرنگ سے 3 افراد جاں بحق ہوگئے۔ ریسکیو ذرائع کے مطابق نامعلوم مسلح افراد نے ہزار خوانی میں واقع گھر میں گھس کر اندھادھند فائرنگ شروع کردی جس کے نتیجے میں گھر میں موجود 3 افراد جاں بحق جب کہ ملزمان فرار ہوگئے۔ ریسکیو اہلکاروں نے لاشوں کو اسپتال منتقل کردیا جب کہ پولیس نے واقعہ کی تفتیش شروع کردی ہے۔ پولیس کا کہنا ہےکہ واقعہ ذاتی دشمنی کا شاخسانہ بھی ہوسکتا ہے۔