رینجرز نے کراچی میں امن و امان برقرار رکھنے کیلیے نئی حکمت عملی مرتب کرلی

BIRMINGHAM:
رینجرز نے کراچی میں امن و امان کی صورتحال کو برقرار رکھنے کے لیے نئی حکمت عملی مرتب کرلی۔


ایکسپریس نیوز کے مطابق ڈی جی رینجرز میجر جنرل بلال اکبر کی زیر صدارت رینجرز ہیڈ کوارٹرز میں اہم اجلاس ہوا جس میں تمام کمانڈنگ آفیسر سمیت دیگر افسران نے شرکت کی۔ نمائندہ ایکسپریس نیوز کے مطابق ترجمان رینجرز نے بتایا کہ اجلاس میں صوبے بھر کی سیکیورٹی کی صورتحال کا جائزہ لیا گیا جب کہ اس بات پر بھی غور کیا گیا کہ کراچی آپریشن کو مزید کس طرح مربوط اور تیز کیا جائے۔

ترجمان رینجرز کے مطابق اجلاس میں کراچی میں امن و امان کی صورتحال برقرار رکھنے کے لیے نئی حکمت عملی مرتب کرلی گئی جس پر چند روز میں عمل شروع کردیا جائے گا۔