پاناما لیکس کے دباؤ کی وجہ سے وزیراعظم غیر منطقی فیصلے کررہے ہیں بلاول بھٹو زرداری

پاكستان پیپلزپارٹی كے چیرمین بلاول بھٹوزرداری کا کہنا ہےکہ آزاد كشمیرانتخابات اور پانامالیكس اسكینڈل كے دباؤ كی وجہ سے وفاقی حكومت گھبراہٹ كا شكار ہے جب کہ وزیراعظم نواز شریف غیر منطقی فیصلے كررہے ہیں۔

مقبوضہ کشمیر میں بھارتی مظالم کے خلاف یوم سیاہ کے موقع پر پیپلزپارٹی کی جانب سے جاری کردہ بیان میں بلاول بھٹو زرداری نے کہا کہ پیپلزپارٹی نہ صرف كشمیر كاز كو اہمیت دیتی ہے بلكہ آزادی كی جدوجہد كا حصہ بھی ہے اور مقصد كے حصول تك اپنے شہید رہنماؤں كی طرح جدوجہد جاری ركھے گی۔


اس خبر کو بھی پڑھیں: پاناما لیکس کا معاملہ مفاہمت سے سلجھایا جائے، وزیراعظم کی وفاقی وزرا کو ہدایت

بلاول بھٹو زرداری نے كہا كہ آزاد كشمیر انتخابات اور پانامالیكس اسكینڈل كے دباؤ كی وجہ سے وفاقی حكومت گھبراہٹ كا شكار ہے اور وزیراعظم نوا شریف غیر منطقی فیصلے كر رہے ہیں۔ انہوں نے کہا کہ حكومت پاكستان نے پہلےاعلان كیا كہ 19جولائی كو یوم سیاہ منایا جائے گا لیكن پھر پیپلزپارٹی اور كشمیر كے عوام كی جانب سے دباؤ كے بعد یہ یوم سیاہ اگلے دن ملتوی كر دیا گیا۔

چیرمین پیپلزپارٹی کا کہنا تھا کہ لگتا ہے كہ نواز شریف اس تاریخی دن كی اہمیت سے ناواقف تھے اور ان كے نا واقف سیاسی ساتھیوں كی وجہ سے وزیراعظم مزید پریشان ہوئے۔