ہیومن رائٹس نیٹ ورک کی 19ہزارٹیچرزکی بھرتیاں مشکوک قرار دیدیں

ہیومن رائٹس نیٹ ورک حیدرآباد چیپٹرکے جنرل سیکریٹری رضوان احمد گدی نے اساتذہ کی خلاف ضابطہ بھرتیوں پر تشویش کا اظہار کرتے ہوئے کہا ہے کہ سندھ میں ٹیچرزکی اسامیاں لاکھوں روپے میں فروخت کی جارہی ہیں جبکہ اہل افرادکو نظراندازکرکے من پسند افرادکو تقرر نامے جاری کیے گئے ہیں۔


ایک بیان میں انھوں نے کہا کہ غیرقانونی بھرتیاں بغیر ٹیسٹ اور انٹرویوکے کی گئی ہیں،ایسے میں پی ایس ٹی، جے ایس ٹی اور ایچ ایس ٹی کی 19ہزار اسامیوں کا سارا عمل مشکوک ہوچکا ہے اور خدشہ ہے کہ اس میں بھی بڑے پیمانے پر کرپشن کی جائے گی۔انھوں نے کہا کہ سندھ میں تعلیم کی گرتی ہوئی صورتحال کی سب سے بڑی وجہ سیاسی مداخلت ہے۔انھوں نے سپریم کورٹ اور سندھ ہائی کورٹ سے معاملے کا از خود نوٹس لینے کا مطالبہ کیا ہے۔