امیتابھ کا مداح ان کے گھر میں گھس آیا

بالی ووڈ کے میگا اسٹار امیتابھ بچن کو اپنی آواز میں گیت سنانے کے لیے مداح ان کے گھر میں گھس گیا جسے پکڑ کر پولیس کے حوالے کردیا گیا۔


بالی ووڈ اسٹار امیتابھ بچن کے دنیا بھر میں کروڑوں مداح ہیں جو ان کی فلموں کا شدت سے انتظار کرتے ہیں جب کہ کئی مداح اپنے اسٹار کی ایک جھلک دیکھنے کے لیے سیکڑوں میل کا سفر طے کرتے ہیں لیکن بگ بی کے ایک مداح نے حد ہی کردی ہے۔

میڈیا رپورٹس کے مطابق امیتابھ بچن کا مداح اپنی آواز میں گیت سنانے کے لیے سیکورٹی اہلکاروں کو چکما دے کر بگ بی کے گھر کود گیا اس دوران وہ گھر پر ہی موجود تھے جس پر سیکورٹی اہلکاروں نے اسے پکڑ کر پولیس کے حوالے کردیا تاہم پولیس نے مقدمہ درج کرکے ملزم کو ضمانت پر رہا کردیا۔