آئندہ الیکشن میں 25فیصد ٹکٹ نوجوانوں کو دینگے عمران خان

تحریک انصاف کے سربراہ عمران خان نے کہاہے کہ ملک کے نوجوانوں اور طلبا کا آئندہ انتخابات میں انتہائی اہم کردارہوگا ۔

تحر یک انصاف نے یوتھ پا لیسی میں جو بھی وعدے کیے ہیں ان پراقتدار میں آکر ہرصورت عمل کرینگے،آئندہ انتخابات میں کم ازکم25فیصد ٹکٹ نوجوانوں کودیے جا ئینگے۔ پیپلزپارٹی اور (ن) لیگ نے عوام اور نوجوانوں سے کیے گئے وعدوں کو پورا نہیں کیا۔




آئندہ انتخابات میں تحر یک انصاف پنجاب سمیت پورے ملک میں کلین سویپ کر ے گی۔ وہ ہفتے کوانصاف اسٹوڈنٹس فیڈ ریشن کی مر کزی صدر فر ح حبیب کی صدارت میں ہونے والے سینٹرل ایگزیکٹیو کمیٹی کے پہلے اجلاس سے خطاب کررہے تھے۔ اس دوران انھوں نے پارٹی انتخابات میں بھرپورحصہ 'پارٹی پالیسوں ' تعلیمی اداروں اور ملکی مسائل کو اجاگر کر نے پرآئی ایس ایف کی کاکردگی کو سراہا۔



اجلاس میں ملک بھر میں پاکستان تحر یک انصاف کے جاری انتخابات 'آئندہ عام انتخابات کی تیاریاں 'پا رٹی اورآئی ایس یف کی پا لیسوں سمیت دیگر معاملات زیر بحث آئے ۔ فرخ حبیب نے کہا کہ پاکستان کے کروڑوں طلبا ملک میں تبدیلی اور کر پٹ نظام کے خاتمے کے لیے عمران خان کے ساتھ ہیں۔ آئی ایس ایف ملک کی تقدیر بدلنے کے لیے کسی بھی قر بانی سے دریغ نہیں کر یگی اور آنیوالا وقت تحر یک انصاف اور آئی ایس ایف کا ہی ہے۔