چین پاکستانی چاول کیلیے بڑی درآمدی منڈی ثابت ہوسکتا ہے ریپ

رائس ایکسپورٹرز ایسوسی ایشن آف پاکستان (ریپ) کے وائس چیئرمین سمیع اللہ نے کہا ہے کہ چین پاکستانی چاول کیلیے بڑی درآمدی منڈی ثابت ہوسکتا ہے۔

اتوار کو ایک انٹرویو میں انہوں نے کہا کہ مالی سال 2011-12 کے دوران چین کو3 لاکھ 60 ہزار ٹن چاول برآمد کیا گیا۔ رواں مالی سال2012-13 کے دوران چین کو4 لاکھ50 ہزار ٹن چاول برآمد کیا جائے گا۔ ہم چین کی منڈیوں پر خصوصی توجہ دے رہے ہیں اور رواں سال کے دوران چین کو برآمد کیے جانے والے چاول کی برآمدات میں دوگنا اضافہ کیلیے کوشش کریں گے۔




انہوں نے کہا کہ پاکستان میں پیدا کیے جانے والے386 لمبے چاول کا دنیا بھرمیں کوئی متبادل نہیں ہے اورچین نے گذشتہ سال یہ چاول درآمد کیا تھا۔ رواں برس چینی درآمد کنندگان اس چاول میں خصوصی دلچسپی رکھتے ہیں اور توقع ہے کہ برآمدات میں نمایاں اضافہ ہوگا۔