سلمان خان کی فلم ’’ٹیوب لائٹ‘‘ کی چینی ہیروئن سے ہدایتکار ناراض

KARACHI:
بالی ووڈ کے دبنگ سپر اسٹارسلمان خان کی نئی آنے والی فلم ''ٹیوب لائٹ'' میں مرکزی کردار ادا کرنے والی چینی اداکارہ ژو ژو نے ہدایتکار کبیر خان کو ناراض کردیا۔

بالی ووڈ اسٹار سلمان خان کسی بھی چینی اداکارہ کے ساتھ پہلی بار فلم ''ٹیوب لائٹ'' میں کام کررہے ہیں جس کی شوٹنگ لداخ میں جاری ہے لیکن فلم کی شوٹنگ کے دوران ہی چینی اداکارہ نے ہدایتکارکبیر خان کی ناراضی مول لے لی ہے۔


اس خبر کو بھی پڑھیں:سلمان خان اپنی نئی فلم ''ٹیوب لائٹ'' میں چینی اداکارہ کے ساتھ جلوہ گر ہوں گے

بھارتی میڈیا رپورٹس کے مطابق ہدایتکار کبیر خان فلم ''ٹیوب لائٹ'' میں سلمان خان کے مدمقابل کاسٹ کی گئی اداکارہ کوخفیہ رکھنا چاہتے تھے لیکن چینی اداکارہ ژو ژو نے سوشل میڈیا پر سلمان خان کے ساتھ تصاویر شیئر کرکے فلم میں کاسٹ ہونے کی تصدیق کی تھی جس پر ہدایتکار برہم ہوتے ہوئے اداکارہ سے ناراض ہوگئے ہیں جس پر اداکارہ نے سلو میاں کے ساتھ تصویر کو اپنے ٹوئٹر اکاؤنٹ سے ہٹادیا ہے۔

واضح رہے کہ فلم ''ٹیوب لائٹ''سلمان خان اور ہدایتکار کی ایک ساتھ تیسری فلم ہے۔