چیمپئنزٹرافی ہاکی پاکستان جرمنی کوشکست دے کرسیمی فائنل میں پہنچ گیا

ISLAMABAD:
چیمپئنزٹرافی ہاکی ٹورنامنٹ میں پاکستان نے جرمنی کو ایک کے مقابلے میں 2گول سے شکست دے کرسیمی فائنل کے لئے کوالیفائی کرلیا۔


آسٹریلیا میں جاری چیمپئنز ٹرافی ہاکی کے کوارٹر فائنل میں پاکستان نے جرمنی کو ایک کے مقابلے میں 2 گول سے شکست دی، پہلے ہاف میں جرمنی کو پاکستان پر ایک گول کی برتری حاصل تھی تاہم پاکستان ہاکی ٹیم نے دوسرے ہاف میں اوپرتلے 2 گول کئے اوریہ برتری میچ کے آخر تک برقرار رہی۔

پاکستان کی جانب سے دونوں گول شکیل عباسی نے کئے، سیمی فائل میں پہنچنے کے بعد پاکستان نے 2013 کی چیمپئنز ٹرافی کے لئےبھی کوالیفائی کر لیا ہے۔