ججز تقرری پر صدارتی ریفرنس کل سپریم کورٹ میں دائر کیا جائے گا

اعلیٰ عدالتوں میں ججز کی تقرری سے متعلق صدارتی ریفرنس کل سپریم کورٹ میں دائر کیا جائے گا۔

ایوان صدر کے مطابق صدر آصف علی زرداری نے ریفرنس پر دستخط کردیئے ہیں۔ ریفرنس میں موقف اختیار کیا گیا ہے کہ جب صدر مملکت ججز کی تقرری کرسکتے ہیں تو تقرریوں پر اختلاف کیوں نہیں کرسکتے، ججوں کی تقرریوں سے متعلق ریفرنس کل سپریم کورٹ میں دائر کیا جائے گا۔


واضح رہے کہ چیف جسٹس افتخار محمد چوہدری کی سربراہی میں ہونے والے جوڈیشل کمیشن کے اجلاس کے بعد اسلام آباد ہائی کورٹ کے چیف جسٹس سمیت دیگر ججوں کی تقرری کے لئے وزیراعظم کوسمری بھجوائی گئی تھی۔

وزیراعظم راجہ پرویزاشرف نے یہ سمری منظوری کے لئے صدرآصف زرداری کو ارسال کی تھی جس پرصدرنے اعتراض کرتے ہوئے اس سمری کو واپس بھجوا دیا تھاجس کے بعد اسلام آباد ہائی کورٹ کے کچھ جج غیر فعال ہوگئے ہیں۔