پاکستان نے افغان طالبان کمانڈرعبداللہ سرحدی کو رہا کردیا

پاکستان نے افغان طالبان کمانڈر عبداللہ سرحدی کو رہا کردیا ہے جب کہ چند دن میں مزید طالبان قیدیوں کی رہائی کا بھی امکان ہے۔


ایک نجی ٹی وی کے مطابق افغان طالبان کمانڈر عبداللہ سرحدی کو اسلام آباد میں رہائی کے بعد ان کے اہلخانہ کے حوالے کردیا گیا ہے۔ عبداللہ سرحدی گوانتاناموبے میں بھی قید رہ چکے ہیں،جہاں سے 2005 میں رہائی کے بعد انھیں پاکستان پہنچنے پر گرفتار کر لیا گیا تھا۔ امریکا اور افغان حکومتوں کی درخواست پر افغان امن عمل میں کردار ادا کرنے کیلیے اب ان کی رہائی عمل میں آئی ہے۔ پاکستان اس سے قبل 14 طالبان قیدیوں کو رہا کر چکا ہے جبکہ آئندہ چند روز میں مزید طالبان رہنما ئوں کی رہائی کا امکان ہے۔